සමාජ මාධ්‍ය තහනමකින් ආරම්භ වී, ප්‍රධාන වශයෙන් තරුණ ප්‍රජාව විසින් මෙහෙයවන ලද විරෝධතා රැල්ලක් හේතුවෙන් නේපාලයේ රජය පසුගිය සතියේ පෙරළා දැමීම, දකුණු ආසියාවේ සිදුවෙමින් පවතින දේශපාලන ප්‍රවණතාවයක් ලෙස දේශපාලන විශ්ලේෂකයින් පෙන්වා දෙති. 2022දී ශ්‍රී ලංකාවේ සහ 2024 අගෝස්තුවේදී බංග්ලාදේශයේ සිදු වූ දේශපාලන පෙරළි වලට සමානව නේපාලයේ මෑත සිදුවීම්ද ප්‍රජාතන්ත්‍රවාදය, ආර්ථික අසමානතාවය සහ දූෂණය පිළිබඳ ගැටලු මතු කරයි.
