හිටපු ජනාධිපති මහින්ද රාජපක්ෂ මහතාගේ ප්‍රධාන ආරක්ෂක නිලධාරියා ලෙස සේවය කළ විශ්‍රාමික ලුතිනන් කර්නල් නෙවිල් වන්නිආරච්චි මහතා, එළඹෙන 17 වැනිදා දක්වා රක්ෂිත බන්ධනාගාරගත කිරීමට කොළඹ ප්‍රධාන මහේස්ත්‍රාත් අසංග එස්. බෝදරගම මහතා ඊයේ (02) දින නියෝගයක් නිකුත් කළේය. උපයාගත් ආකාරය පිළිබඳව පැහැදිලි කිරීමක් කළ නොහැකි රුපියල් ලක්ෂ 280 ඉක්මවූ වත්කම් සහ දේපළ හිමිකාරිත්වය දැරීම සම්බන්ධයෙන් ඔහුට එරෙහිව චෝදනා එල්ල වී තිබේ.
