පසුගියදා ශ්රී ලංකාවට බලපෑ අයහපත් කාළගුණ තත්ත්වය හේතුවෙන් පීඩාවට පත් ජනතාවට සහන සැලසීම උදෙසා ඩුබායි රාජ්යයේ සේවය කරන ශ්රී ලාංකිකයින් විසින් එක්රැස් කරන ලද ආධාර කන්ටේනර් තොගය සම්බන්ධයෙන් සමාජ මාධ්ය තුළ දැඩි කතාබහක් නිර්මාණය වී තිබේ. විශේෂයෙන්ම සමාජ මාධ්ය ක්රියාකාරී අශේන් සේනාරත්නගේ මූලිකත්වයෙන් සිදුවූ මෙම ආධාර එක්රැස් කිරීමේ ක්රියාවලියේදී කන්ටේනර් 4 ක් වෙනුවට එක් කන්ටේනරයක් පමණක් ලංකාවට පැමිණ ඇති බවටත්, ඒවා දේශපාලන අරමුණු වෙනුවෙන් අවභාවිතා වන බවටත් විවිධ පාර්ශව විසින් චෝදනා එල්ල කරන ලදී.
